Jy is op
Oor Helene...


 


 

Helene de Kock woon in Pretoria en is al meer as 50 jaar lank getroud met dr. Jos de Kock, ‘n bekende landbouwetenskaplike. Hulle het drie kinders, Jaco, Herman en Sylvia. Jaco is oorlede maar hulle het die troos en vrede om te weet dat hy nou by God woon. Herman en Sylvia skryf albei ook. Herman is getroud met Emmie, en hulle het twee fraai dogtertjies, Johanna Helene en Emmarentia Lydia. Herman is ‘n gelegitimeerde predikant met spesiale belangstelling in prediking en sterwensbegeleiding. Hy is ook ‘n bankier. Emmie is ‘n besigheids-konsultant met uitstekende kennis van die regswÍreld. Sylvia en Jos en Helene deel ‘n huis en sy het ‘n BML graad in bestuursleierskap. Haar spesiale belangstelling wat skryfwerk betref, is in Christelike geskenkboeke en romans.

Helene se skryfwerk dek ‘n wye spektrum van genres. Sy doen ook joernalistieke werk en skryf resensies vir Litnet. Sy skryf al langer as dertig jaar lank en byna 50 boeke is gepubliseer. Van haar vroeŽr werke verskyn nou in omnibusse, maar sy skryf steeds nuwe romans asook geestelike werk. Daar verskyn binnekort nog ‘n omnibus en ook nuwe romans van haar. By CUM verskyn daar ‘n boek oor haar seun se dood met die titel ‘As dood Lewe word’. Oor die jare het sy vir verskeie uitgewers soos Tafelberg Uitgewers, Human & Rousseau, Litera, CUM, Aktuapers en LAPA geskryf.

Helene skryf graag oor die liefde - maar net so belangrik in haar werk is die klem op die werklike lewe en die eise wat dit aan Šlle verhoudings stel. Sy verwys na haar romans as verhoudingsverhale. Sy het byvoorbeeld ‘n roman geskryf wat oor ‘n periode van byna ‘n eeu strek. Dit is die liefdesverhale van twee vroue wat nie slegs die trauma van oorlog ken nie, maar ook die pyn van verlange en wantroue. Helene het ‘n Meestersgraad in Afrikaans en Nederlands wat sy cum laude verwerf het. Sy het in 2008 ‘n toekenning gekry vir die beste meestersgraad in Afrikaans en Nederlands aan die Universiteit van Noordwes. Haar roman ‘Dieper Water’ is juis ‘n uitvloeisel van hierdie studie.

Helene het ook ‘n doktorsgraad (PhD) in Skryfkuns aan die Universiteit van Noordwes verwerf. Die roman, ‘Somersneeu’ is die verwysingspunt in diť lywige proefskrif met die titel ‘Die skep van ruimtelike dinamika in ‘n roman’. Helene dien verder op die Suid-Afrikaanse Akademie vir Wetenskap en Kuns.

Sy skryf kortverhale wat al in bundels opgeneem is. Hierdie bundels is saamgestel deur T.T. Cloete, Jeanette Ferreira, Daniel Hugo, Corlia Fourie, Debora Steinmair en Gerda Taljaard.

Helene was verskeie male naaswenner met die ATKV/Sarie pryse vir vervolgverhale en ook die ATKV/rooi rose kortverhaalwedstryd. Al haar vervolgverhale is in boekvorm deur verskeie uitgewers uitgegee en ander romans het weer direk in boekvorm verskyn. Sy gee sporadies lesings oor Skryfkuns aan die Skryfskool van die Noordwes Universiteit asook by die Universiteit van Pretoria.